Бугун Ўзбекистон мусулмонлари идораси томонидан ўтказилаётган «Энг маърифатли имом» танловининг Навоий вилоят босқичи бўлиб ўтди. Мусобақа Навоий шаҳар «Ҳазрат Алишер Навоий» масжидида ўтказилди. Танловда беш нафар имом-хатиб ўзаро беллашишди. Қуръон тажвиди, ақоид ва фиқҳий шартларни ўз ичига олган танлов гўзал суратда бўлиб ўтди. Танловда 1-ўринга Нурота туман «Янги турмуш» масжиди имом-хатиби Мубинов Жамолиддин лойиқ топилди ва республика босқичига йўлланмани қўлга киритди. Тадбир сўнгида ғолиб ва совриндорларга эсдалик совғалари топширилди.
Ғолиб ва совриндорлар:
1. Мубинов Жамолиддин (Нурота туман "Янги турмуш" масжиди имом-хатиби)
2. Юнусов Мустафо (Кармана туман "Қосим Шайх" масжиди имом-хатиби)
3. Ҳакимов Бектош (Хатирчи туман "Шайх Гадой Селкин" масжиди имом-хатиби)
4. Шодмонов Комиложон (Зарафшон шаҳар "Зарафшон" масжиди имом-хатиби)
5. Орипов Завқиддин (Қизилтепа туман "Боязид Бастомий" масжиди имом-хатиби)
ЎМИ Навоий вилоят вакиллиги матбуот хизмати
