Муборак Рамазон ойида ижтимоий-маънавий муҳит соғломлигини таъминлаш, кишиларда шукроналик ҳиссини уйғотиш мақсадида ЎМИ Навоий вилояти вакиллиги ҳамда ДХХ Навоий вилоят бўлинмаси ҳамкорликда вилоятимиз маҳаллаларида тарғибот тадбирлари бўлиб ўтмоқда.
Жумладан куни кеча Кармана тумани "Уйрот" ҳамда "Катта мачит" маҳалла фуқаролар йиғинида аҳоли билан учрашув бўлиб ўтди. Учрашувда Кармана туман "Хўжа Сабр ота" масжиди имом хатиби И.Бобобеков, ДХХ ходими Ж.Мирдавлатов ва "Қосим Шайх" масжидида Хатмул Қуръонга имомлик қилаётган қори М.Отамуродовлар ўз нутқлари билан иштирок этишди.

Шунингдек, Қизилтепа тумани "Ғамхўр" ва "Бободўғи" маҳаллаларида ҳам шу каби тадбирлар бўлиб ўтди. Қизилтепа туман бош имом хатиби З.Орипов аҳоли билан учрашиб, маҳаллаларда тинчлик ва осойишталикни таъминлаш, ёшлар тарбиясида эътиборли бўлиш мавзуларида суҳбатлар қилишди.