15 апрель 2017 йил Навоий шаҳар “Ҳазрати Алишер Навоий” масжидида Ўзбекистон мусулмонлари идораси Навоий вилояти вакиллиги тасарруфидаги масжид имом-хатиблари ва отинойиларнинг 2017йил 1-чоракда амалга оширилган ишлари ва истиқболдаги режаларга бағишлаб йиғилиш ўтказилди. 
Йиғилишга вилоят ҳокими ўринбосари Ғофиржон Мусурманов, вилоят маҳалла хайрия жамоат фонди раиси Нормурод Исоқовлар иштирок этди.
Йиғилишда Ўзбекистон мусулмонлари идораси Навоий вилоят вакиллигининг 2017 йил 1-чоракда қилинган ишлар тўғрисида ҳисоботи тингланди.
Шунингдек, масжид имом хатибларининг 2017 йилги маънавий маърифий тадбирларда иштирокларини, ОАВ да чиқишларини ҳар бир туман ва шаҳар масжидлари имомлари кесимида таҳлил қилинди ва келгусида жойлардаги ижтимоий маънавий муҳит барқарорлигини таъминлашдаги иштирокларини янада жонлантириш, ҳозирги кунда юртимизда амалга оширилаётган ислоҳотларни халқимизга тўғри тушунтириш, шукроналик ва дахлдорлик ҳиссини ўйғотиш, ижтимоий-маънавий муҳит барқарорлигини таъминлаш, диний экстремизм таҳдиди ҳамда огоҳлик ва ҳушёрликни кучайтиришга қаратилган илмий-асосли маърузалар билан иштирок этиш тўғрисида кўрсатмалар берилди.
УМИ Навоий вилоят вакиллиги
