Бугунги кунда ёшлар тарбияси долзарб масала эканини барча бирдек ҳис қилиб турибди. Уларни ватанга садоқатли, иймон эътиқодли, илмли фарзанд қилиб тарбиялаш бугуннинг талабидир. Шу йўлда ўқувчи ёшлар билан имом хатиблар иштирокида давра суҳбатлари ташкил этилмоқда. Жумладан, Қизилтепа тумани 1 сонли умумтаълим мактабида ҳамкор ташкилотлар билан "Ёшлар ўртасида жиноятчилик ва ҳуқуқбузарликнинг олдини олиш" мавзусида тарғибот тадбири ўтказилди. Унда Қизилтепа тумани бош имом хатиби Завқиддин Орипов ўз нутқи билан иштирок этди.



Ёшларни комил инсон қилиб тарбиялашда муқаддас динимиз кўрсатмалари ҳақида батафсил тўхталиб ўтилди. Шу билан бирга, динимизда мутаассиблик, ўз ва ўзганинг жонига тажовуз қилиш оғир гуноҳ эканлигини таъкидлаб ўтди.



Ўтказилган тадбир ўқувчи ёшларда катта таассурот қолдирди.

ЎМИ Навоий вилояти вакиллиги матбуот хизмати