Навоий вилояти ҳокимлигида вилоятдаги барча ўрта махсус, касб ҳунар таълими муассасаларида ўқувчи ёшларни диний экстремистик оқимлар, миссионерлик билан боғлиқ ёт ғоялардан асраш, шунингдек, ижтимоий-маънавий муҳитни янада соғломлаштириш ҳамда таълим тарбия сифати ва самарадорлигини ошириш бўйича тарғибот тадбирларини ташкил этиш бўйича чора тадбирлар дастури ишлаб чиқилди. Ушбу чора тадбирлар режасига кўра, тарғибот гуруҳи сафида барча ҳамкор ташкилотлар қатори Ўзбекистон мусулмонлари идораси Навоий вилояти вакиллари ҳам бор. Имом-хатибларимиз вилоятдаги таълим муассасаларида ўқувчи ёшларни соф исломий тушунчалар билан таништириш, уларни турли экстремистик оқимлар таъсиридан ҳимоя қилиш мавзусида давра суҳбатлари олиб бормоқдалар.