КЕКСАЛАРИ ЭЪЗОЗЛАНАЁТГАН ЮРТ
Мамлакатимиз бўйлаб 15 октябрь — Халқаро қишлоқ аёли куни ҳамда 3-9 октябрь кунлари "Кексалар ҳафталиги" ўтказилмоқда.
Ушбу байрамлар доирасида Қизилтепада ҳам ҳар бир маҳаллада бир қатор тадбирлар, давра суҳбатлари, очиқ мулоқотлар ўтказилмоқда.
Шундай тадбирлардан бири бугун Бўстон маҳалласи ҳудудидаги Хожа Боязид Бистомий зиёратгоҳида ўтказилди.
Тадбир жараёнида Маҳалла ва нуронийларни қўллаб-қувватлаш вазирлиги масъул вакили Н. Мусаева, туман Маҳалла ва нуронийларни қўллаб-қувватлаш бўлими бошлиғи У. Раҳмонов, туман бош имом хатиби З. Орипов сўзга чиқиб, барчани байрамлар билан табриклашди. Мамлакатимизда нуронийларга қаратилаётган эътибор, берилаётган имкониятлар, уларни эъзозлаш йўлида амалга оширилаётган ишларга тўхталиб ўтилди,маҳалладаги фаол отахон ва онахонларга ташаккурнома ва эсдалик совғалар топширилди.
Байрам тадбирида 1-умумий мактаб ўқувчилари ва туман Маданият бўлими ходимларини ижодий чиқишлари тадбир иштирокчиларини янада қувонтирди.
https://t.me/Bastomiy_uz