Билолдек азон айтинг!

30-12-2016, 17:39 Istamjon Khamrayev Янгиликлар 1 577

Тонг ёришди тунни доғда қолдириб,

Эй муаззин, Билолдек азон айтинг.

Ғафлат аҳли ҳидоятга талпиниб,

Уйғонишсин, Билолдек азон айтинг!



Аввал олам халқлари эди жоҳил,

Гўё суви қуриган ташна соҳил.

Бу жумлалар Роббимдан бўлди нозил,

Диллар қонсин, Билолдек азон айтинг!



Билол Мадинада айтганда азон,

Барча саҳобалар тўпланди шу он.

Ҳабибин соғиниб йиғлашди гирён,

Малҳам бўлсин, Билолдек азон айтинг!



Нажот, Расул васлига тўймаганлар,

Суннатин беэътибор қўймаганлар,

Ҳайҳот деб, Муҳаммадни суймаганлар

Армон қилсин, Билолдек азон айтинг!



Унсиз қалбга кўз ёшининг нафи бор,

Кўз ёш тўкар, охиратдан хавфи бор.

Чин тавбада Яратганнинг авфи бор,

Тавба қилсин, Билолдек азон айтинг!



Нидо айланг нажотнинг чин васфини,

Титроқ боссин эшитганнинг жисмини,

Ёниб айтинг, Муҳаммаднинг исмини,

Олам билсин, Билолдек азон айтинг!



Нидо айланг, юракларга жойлашсин.

Бутун жисму жони ила тинглашсин.

Ботилдан юз буриб, Ҳақни танлашсин,

Нажот топсин, Билолдек азон айтинг!



Нидо айланг, такбир айтиб Ҳақ Зотга,

Эй инсонлар, шошилинг, деб нажотга,

Билол қайтиб келган каби ҳаётга,

Садо берсин, Билолдек азон айтинг!



Азон барча умматларга хитобдир,

Итоатга лойиқ ажру савобдир.

Аллоҳ буюк ҳамда ягона Робдир,

Рози бўлсин бизлардан, азон айтинг!



ТИИ 2-курс талабаси

Йўлдошбек Нуриддиновскачать dle 11.0фильмы бесплатно

Мавзуга оид бошқа ўхшаш маълумотлар:

Шарҳ қўшиш

Машҳур янгиликлар
Фотолавҳалар
Отинойилар ва имом хатибларнинг фаолиятларидан лавҳалар
Отинойилар ва имом хатибларнинг фаолиятларидан лавҳалар
Отинойилар ва имом хатибларнинг фаолиятларидан лавҳалар
Отинойилар ва имом хатибларнинг фаолиятларидан лавҳалар
Отинойилар фаолиятларидан лавҳалар
Отинойилар ва имом хатибларнинг фаолиятларидан лавҳалар
Диний билмларингиз қай даражада?

МАХСУС ИМКОНИЯТЛАР

КЎРИНИШ

A
A
A

ШРИФТ ЎЛЧАМИ

0% га катталаштириш