Жорий йилнинг 03 ноябрь куни Навбаҳор туманидаги 9та жоме масжидлар жамоасидан 50 нафар эркак ва 10 нафар аёллар пахта йиғим теримида иштирок этди. Пахта йиғим - теримида фаол иштирок этган масжидлар жамоасидан эркаклар 708 кг аёллар эса 320 кг жами ҳисобда 1028 кг пахта териб, хирмонга ўз ҳиссаларини қўшишди.
Шунингдек, Кармана туманидаги "Жалоир" жоме масжиди жамоати хожи боболари, имом ноиб ҳамда мутаввалиси ҳам фермер хўжаликларига бориб, миллий бойлигимиз бўлмиш оқ олтин - пахта теримида иштирок этишди ва фермерлар ва теримчилар ҳақига кўплаб баракалар тилаб, хайр - дуолар қилиб қайтишди.
Худди шу каби 3 ноябрь куни Конимех туманидаги жоме масжидлари жамоаси ва отинойилар ҳам 3 та фермер хўжаликларида бўлиб, жами 18 нафар киши иштирокида теримчиларга имкон қадар кўмак беришди.
Қизилтепа тумани имом хатиби бошчилигида туманда фермерлардан ва пахта теримчиларидан ҳол - аҳвол сўраб, пахта йиғим - теримида фаол иштирок этган ҳамда хирмонга энг кўп ўз ҳиссасина қўшганларга "Хўжа Ҳасан Андоқий", "Қизбиби" ва бошқа жоме масжидлари имом хатиблари билан биргаликда теримчиларга турли хил совға саломлар улашилди.
