Кармана тумани Қосим Шайх масжидида "ВАҚФ" хайрия жамоат фондига мурожаат этган ногиронлиги бўлган, бемор 15 нафар фуқароларга фонд томонидан рўзғор учун озиқ-овқат маҳсулотлари тарқатилиб, тегишли ҳисоб рақамларига пул маблағлари ўтказилиб берилди.


"ВАҚФ" хайрия жамоат фонди Навоий вилоят филиали раҳбар ўринбосари И.Хамраев фонд томонидан амалга оширилаётган ишлар хусусида айтиб ўтди. Фонд томонидан яратилган имконияти чекланган фуқароларга, кўзи ожиз бўлган шахслар учун яратилган брайл алифбосидаги китоблар тўғрисида гапирди. Хайрия жамоат фонди томонидан бу каби хайрия тадбирлари ўтказилиши давом этмоқда.