CАВОЛ: Қурбонлик қилинадиган ҳайвон неча ёш бўлиши керак?

ЖАВОБ: Бисмиллаҳир Роҳманир Роҳим.
Қурбонлик қилинадиган ҳайвон агар қўй бўлса, энг камида бир ёш, мол бўлса, энг камида икки ёш, туя бўлса, энг камида беш ёш бўлиши лозим. Фақат қўй олти ойлик бўлиб жуссаси бир ёш қўйнинг жуссаси каби катта бўлса, мазкур олти ойлик қўйни ҳам қурбонлик қилиш мумкин. Мазкур ҳайвонларнинг эркаги, урғочисини ҳам қурбонлик қилиш мумкин ("Ал-Фатово ал-ҳиндия"). Валлоҳу аълам.

Ўзбекистон мусулмонлари идораси
Фатво ҳайъати.