Хатирчи тумани Тамабаҳрин МФЙда 40 сонли замонавий мактабгача таълим муассасасининг очилиш маросими бўлиб ўтди. Тадбир очилишиди, туман имоми Б.Ҳакимов ҳам иштирок этди. "Шукроналик олий неъмат" мавзусида маъруза қилди. Хатирчи туман 12-ўрта мактабда "Жиноятчилик, гиёҳвандлик, ўз жонига қасд қилиш каби иллатлардан фарзандларимизни асрайлик" мавзусида ота- оналар йиғилиши бўлиб ўтди, унда Чангир масжиди имом хатиби О.Пардаев маъруза қилди. Навбаҳор туман 1- мактабда ўқитувчи ва ўқувчилар билан "Ислом тинчлик ва маърифат дини" тўғрисида давра суҳбати ўтказилди. Туман имоми Ф.Тошев Ислом дини тинчлик дини эканлиги, динимиз кўрсатмаларига кўра, бировнинг ноҳақ қонини тўкиш у ёқда турсин, кўнглига озор бермаслик кераклиги айтилди. ҚИзилтепа тумани "Кулалон" МФЙга қарашли 21, 22 мактаб биносида "Илм-одоб фазилатлари", "Ўз жонига қасд қилиш оғир гуноҳ", "Оммавий маданиятнинг салбий оқибатлари" мавзусида тадбирлар ўтказилди. Қизбиби масжиди имоми Ҳ.Жаҳонов ўқувчиларга илм олишнинг қанчалар савобли амал эканлиги тўғрисида, илм олиш учун яратилган бирча шароитлар тўғрисида гапирди. Ўз жонига қасд қилиш оғир гуноҳлиги, бу ишнинг динимизда қаттиқ қораланганлиги тўғрисида маъруза қилди. Тадбирда иштирок этган ота оналар ўзларини қизиқтирган саволларга жавоб олиш билан тадбирни якунлашди. 
