Навбаҳор тумани Енгил саноат касб ҳунар коллежида "Ота-оналарнинг фарзанд олдидаги бурчлари", "Ўз жонига қасд қилиш кечирилмас гуноҳ","Илм олишнинг фазилати" мавзуларида ота-оналар, ўқувчи талабалар иштирокида суҳбат ташкил этилди. Туман имоми Ф.Тошев сўзга чиқиб, фарзанд тарбиясида ота-онанинг муҳим аҳамият касб этиши, фарзандларни тўғри касб-ҳунарга йўналтириш, ёшлар ўртасида жиноятчиликни олдини олиш, фарзанлар тарбиясида назоратни кучайтириш зарурлигини таъкидлади. 
Конимех тумани 2 сонли умумий ўрта таълим мактабида ўқувчилар билан суҳбат ташкил этилди. Конимех туман имоми Т.Абдурахмонов "Илм олиш фазилари", "Одоб ахлоқ қоидалари" тўғрисида маъруза қилди. Мактаб биносида мактаб тартиб қоидаларига риоя этиш, муқаддас динимизда кўрсатмаларига асосан, ўзгаларга озор бермаслик зарурлигини айтиб ўтди. Илм олиш фарз амаллиги,илмли инсон ҳеч қачон хор бўлмаслигини, бу имкониятлардан фойдаланиб илм олишлари кераклигин ҳадиси шарифдан мисоллар келтириб гапирди. 
