Учқудуқ туман 18-мактабда "Устоз ва ота-онага ҳурмат" мавзусида давра суҳбати бўлиб ўтди. Тадбирда туман имоми А.Турдиев сўзга чиқиб, Аллоҳ ҳурматлаган ва даражасини баланд қилган нарсаларни эъзозлаш ва улуғлаш қалбдаги тақводан далолат эканлиги Қуръони каримда бот-бот таъкидланганини, устоз ва муаллимлар каби илм соҳиблари ҳам айнан Аллоҳ ҳурматларини баланд қилган тоифага мансуб эканликларини Расулуллоҳ (соллаллоҳу алайҳи ва саллам) ҳадисларидан намуна келтириб таъкидлади:“катталаримизни ҳурмат қилмаган, кичикларимизга меҳр кўрсатмаган ва олимларимизнинг ҳаққини билмаган кимса менинг умматимдан эмас”. Навоий давлат Педагогика институтида иадбир бўлиб ўтди. Вилоят имом хатиб ўринбосари Д.Эргашев "Оилавий қадриятларимизни асраб авайлаш, оилада эр ва хотиннинг бурч ва мажбуриятлари"мавзусида маъруза қилди.
Навоий шахар 15-мактаб биноси залида"Бунёдкор "ва "Тинчлик" МФЙ фуқароларига Кармана туман "Дўрман" масжиди имоми М.Рахмонов "Ислом маърифати терроризмни қоралайди" мавзусида маъруза қилди. Навоий шахар Индустриал коллежи залида "Ўзбекистон", "Зарафшон", "Ғалаба" МФЙ фуқаролари билан тадбирлар ўтказилди. "Ислом динида терроризмга йул йуқ" мавзусида Кармана туман "Дўрман" масжиди имоми М.Рахмонов маъруза қилди. Навбаҳор тумани "Арабсарой", "Янгиқўрғон" МФЙларда маҳалла аҳолиси билан суҳбатлар ташкил этилди. “Ахтам саҳоба” масжиди имом-хатиби А.Назаров "Бидъат хурофотларга чек қўйиш", "Исрофгарчиликни олдини олиш" мавзуларида маъруза қилди. Аллоҳ таоло тежаб-тергаб ишлатишга, асло исрофга йўл қўймасликка чакиради. Куръони каримда шундай марҳамат қилинади "...Шунингдек еб-ичинглар (лекин) исроф килмангиз! Зеро, У исроф килувчиларни севмайди." (Аъроф, 31-оят). Суҳбат саволлар жавобларга бой тазрда ўтказилди. 
