Навоий шаҳар "Истқлол" МФЙ биносида "Исломда экстремизм ва терроризмга ўрин йўқ" мавзусида тадбир бўлиб ўтди. Навоий шаҳар Оқтош масжиди имоми Д.Эргашев Ислом дини инсоний фазилатлар ва эзгу ғояларни ўзида мужассам этган дин эканлиги, бироқ турли ақидапараст ва террорчи ташкилотлар ғаразли мақсадларидан келиб чиққан ҳолда Ислом таълимотини айрим ғоя ва тамойиллари мазмун-моҳиятини бир ёқлама ва нотўғри талқин қилиб, одамларни тўғри йўлдан адаштиришга уринаётганлари тўғрисида гапирди. Учкудуқ туман уй-жой қурилиш касб-ҳунар коллежида туман имоми А.Турдиев "Оила муқаддас даргоҳ" мавзусида маъруза қилди.
Конимех тумани 7-сонли мактабда ўқув семинари бўлиб ўтди. Семинарда имом-хатиб Т.Абдурахмонов "Диний эктремизм ва террорнинг бутун дунё инсониятига етказаётган зарари", "Ёшларимизнинг ҳар хил оқимларга қўшилиши оқибатида жиноят ва ҳуқуқбузарликлар содир бўлаётганлиги" хусусида кенг тўхталди. Зарафшон шаҳар Саноат коллежида ўқувчи талабалар ва устозлар иштирокида "Ёшлар ўртасида турли ҳуқуқбузарликларни олдини олиш ва соғлом муҳит тарзини мустаҳкамлаш" мавзусида давра суҳбати ўтказилди. Шаҳар имоми К.Шодмонов сўзга чиқиб, ҳуқуқбузарликларнинг келиб чиқиш сабаблари, ёшлар ўртасида кўпайиб бораётган жиноятчиликлар тўғрисида сўзлади.
