21-декабрь куни Зарафшон шаҳридаги 2-мактабда ўқувчилар билан "Узтозга ҳурмат", "Илм туганмас хазина" мавзуларида тадбир ўтказилди. Тадбирда Зарафшон шаҳар имоми К.Шодмонов устозларни ҳурмат қилиш зарурлигини айтиб ўтди. Сўзини ҳадис билан давом эттириб: Расулуллоҳ (соллаллоҳу алайҳи ва саллам) марҳамат қилиб дедилар: “катталаримизни ҳурмат қилмаган, кичикларимизга меҳр кўрсатмаган ва олимларимизнинг ҳаққини билмаган кимса менинг умматимдан эмас” деди. Бу билан нафақат устозларга, балки ўқувчиларнинг тенгдошлари, ўзларидан кичик болаларни ҳурмат қилишларини таъкидлади. Тадбир шу тарзда давом этиб, залдаги 70 нафар ўқувчилар маърузадан яхши таассурот олдилар ва ўз ташаккурларини билдирдилар. Учқудуқ тумани "Қизилқум" жомеъ масжиди биносида 20-декабрь куни имом хатиб А.Турдиев ҳамда ИИБ ходимлари билан ноқонуний фаолят олиб бораётган фуқаролар билан суҳбат ўтказилди. Уларнинг фаолиятлари ноқонунийлиги, бу ишлари қонун доирасида ҳам муқаддас динимиз жиҳатидан ҳам тўғри эмаслиши тушунтирилди. Улардан бу фаолият билан шуғулланмаслиулри тўғрисида ёзма тушунтириш хатлари олинди.
