Кармана туман 19-мактаб биносида ўқувчилар билан "Виждон эркинлиги ва диний бағрикенглик" мавзуларида тадбир ўтказилди. Тадбирда Кармана тумани "Дўрмон" масжиди имоми М.Рахмонов сўзга чиқиб, юртимизда ҳар бир фуқаро учун виждон эркинлиги берилганлиги, диний бағрикенглик тушунчасининг асл моҳиятини изоҳлаб берди. Шу куннинг ўзида Кармана тумани 21-мактаб биносида давра суҳбати ташкил этилди. Кармана тумани "Жалойир" масжиди имоми А.Ҳакимов "Виждон эркинлиги ва диний бағрикенглик" мавзуларида маъруза қилди. Юртимизда яшаб келаётган турли миллат, турли дин вакилларини ҳурмат қилишимиз, камситишга йўл қўйилмаслиги муқаддас ислом динимизда ҳам қораланганлигини айтиб ўтди. Кармана туман 9-мактаб биносида ўқувчилар билан "Жиҳод", "Шаҳидлик", "Ҳалифалик" мавзуларида тадбир бўлиб ўтди. "Дегароний" масжиди имоми С.Бобоназаров жиҳод сўзининг асл тушунчаси, унинг бугунги кундаги нотўғри талқини борасида нутқ сўзлади. Ўзини шаҳидман деб ҳисоблаб, ўз жонига ва бегуноҳ инсонлар жонига қасд қилаётган адашган кимсаларнинг энг оғир гуноҳга қўл ураётганларини айтди. Тадбирда иштирок этган ўқувчилар тадбирдан мамнун ҳолда ташаккурларини билдиришди.