Кармана тумани, Хатирчи тумани ҳамда Навоий шаҳрида МФЙ биносида давра суҳбатлари ташкил этилди. Хатирчи туман Бинокор", "Дўстлик", "Чинобод" маҳаллалари фаоллари билан "Аҳоли ўртасида жиноятчиликни олдини олиш", "Ўзаро кечиримли бўлиш", Шукроналик ҳисси билан яшаш" каби масалаларда давра суҳбати бўлиб ўтди. Суҳбатда туман имоми Б.Ҳакимов сўзга чиқиб, тинч осойишта бўлган ватанимизда яшаётганимиз учун шукрона айтиб, қаноатли бўлишимиз, қариндошлар оила ўртасида кечиримли бўлиш, бир биримизни хатоларимизни кечира олишимизни гапирди. Жиноятчиликни олдини олиш мақсадида, ҳар бир маҳаллада авф этилганлар билан алоҳида шуғулланиш, уларнинг ҳолидан хабар олиш йўлга қўйилганлигини айтиб ўтди. 
Навоий шаҳар "Янгиариқ" МФЙ биносида "Ажримларни олдини олиш" мавзусида тадбир ташкил этилди. Тадбирда шаҳар отинойиси С.Арзиқулова иштирок этди. Тадбир давомида сўзга чиқиб, "Оила муқаддас даргоҳлиги", бир оиланинг бузилиши оқибати нималарга олиб келиши, ажримнинг фарзандлар тарбиясига таъсири, бир оила бузилса Аллоҳнинг арши ларзага келишини айтди. Кармана туманида "Аёллар ўртасида жиноятчиликни олдини олиш", "Тўй ва маракаларни ихчамлаштириш" мавзусида суҳбат ташкил этилди. Туман бош отинойиси Ф.Мирзаева сўзга чиқиб, исроф оғир гуноҳлиги, тўй ва таъзияларда исрофни олдини олиш кераклигини айтиб ўтди.
