Кармана туман 7-мактаб биносида "Илм олишнинг фазилати", "Ёт ғоялар ва оқимлар таъсирига тушиб қолмаслик" мавзуларида давра суҳбати бўлиб ўтди. Кармана туман имоми М.Юнусов илм олиш ҳар бир мўмин-мусулмон учун фарзлигини айтиб ўтди. Ҳадислардан намуналардан келтирди: Пайғамбаримиз соллаллоҳу алайҳи васаллам илм олиш фазилатини шундай баён қилдилар: “Ким илм талаб қилиш йўлини тутса, Аллоҳ таоло уни жаннат йўлига йўллаб қўяди”. Пайғамбаримиз соллаллоҳу алайҳи васаллам марҳамат қиладилар: “Илмдан бир боб ўрганиб тонг оттиришинг юз ракат намоз ўқишингдан афзалдир” каби ҳадисларни шарҳлаб берди. Хатирчи тумани 83-мактабида "Тангриберди бобо" масжиди имоми И.Намозов "Ёшларга хос меҳнат ва ташаббускорлик" мавзусида чет элда ишлаётган ёшларнинг ота-оналари билан суҳбат ўтказди. Ота-оналарга ёшларни иш билан таъминлаш зарурлиги, меҳнат ва бандлик маркази билан ҳамкорликда ишлаш таклифини берди.