Навоий давлат педагогика институти биносида "Жиҳод ўзи нима", "Шаҳидлик тушунчалари" мавзуларида тадбир бўлиб ўтди. Кармана тумани "Дўрмон" масжиди имоми М.Рахмонов ёшларга ушбу тушунчалар тўғрисида маъруза қилди. Адашган оқимларга кириб кетаётган ёшларнинг жиҳод, шаҳидлик сўзларини англамасдан, ўзларини қурбон қилаётганларини айтиб ўтди. Аллоҳ таоло Қуръони каримнинг “Нисо” сурасида: “Бир-бирларингизни ўлдирмангиз!”, марҳамат қилади. Ушбу оятга қарши чиқиб, ўзини шаҳид санаб ўзи қўшиб атрофидагиларни ҳам жонига қасд қилаётганларнинг қандай улкан гуноҳ ишларни амалга ошираётганли айтиб ўтди. Кармана туман "Жалойир" масжидида имомлар, маҳалла имомлари билан суҳбат ўтказилди. Вилоят бош имом-хатиби Т.Рўзиев "Жаҳолатга қарши маърифат" мавзусида маъруза қилди. Юртимизга кирмоқчи бўлаётган ёвуз ниятли кучларни фақатгина маърифат, маънавият билан қарши кураша олишимиз тўғрисида нутқ сўзлади.
