Мавлид ойи муносабати билан Чеченистон Давлат университетида мавжуд факультетлараро исломий мусобақа ташкил қилинди. Бу ҳақда muslimaat.uz хабар бермоқда.

Мусобақада жами 10 та факультетдан 4 тадан иштирокчи қатнашиб, Қуръони карим ва Пайғамбар алайҳиссаломнинг сийратларига доир, саҳобалар ҳаёти ҳамда ҳадисларга оид билимлар бўйича беллашдилар. Натижада Тиббиёт институти талабалари бошқа факультетлардан ғолиб келиб, биринчи ўринни қўлга киритишди. Қувонарлиси – мазкур Тиббиёт институти жамоасини юртимиздан борган ўзбек талабалари ташкил қилади. Таъкидлаш жоизки, ўзбекистонлик 1-курс талабаси Раҳимов Одил Дониёр ўғли 1-ўринни олди. Барча ғолиблар фахрий ёрлиқ ҳамда Қуръони карим билан мукофотланишди.


Манба islom.uz