Ойлар ичра энг муборак
Ўқинг Ёсину, Таборак
Дуолар бўлар ижобат
Олам раҳматга тўлажак
Рамазон ойи муборак !
Иймонимиз янгиланар
Қалбларимиз ҳам жонланар
Тарқоқ фикрлар йиғилар
Олам раҳматга тўлажак
Рамазон ойи муборак !
Ғафлатли кўзлар очилсин
Гуноҳкорлар тавба қилсин
Тилимизда зикр бўлсин
Олам раҳматга тўлажак
Рамазон ойи муборак !
Кўпроқ қилинг хатми Қуръон
Қалблар шундан топсин ором
Буюк Зотдан бизга инъом
Олам раҳматга тўлажак
Рамазон ойи муборак !
Мўминларнинг ортиб шукри
Жонланар тилида зикри
Гўзал амал қилмоқ фикри
Олам раҳматга тўлажак
Рамазон ойи муборак !
Яхшиликлар жамланган ой
Ибодатлар қабул бу ой
Берма гўзал фурсатни бой
Олам раҳматга тўлажак
Рамазон ойи муборак !
Саховатда бўл пешқадам
Қалбинг нурга тўлар шу дам
Ўрнак олай сендан мен ҳам
Олам раҳматга тўлажак
Рамазон ойи муборак !
Шейхон мфй отинойиси Шоназарова Меҳригул.
