Оммавий маданият: Бутун европа бу иллат сабаб тамомила жар ёқасига келиб бўлди. 1940 йилларда илдиз ота бошлаган қабохат 70 йил ичида бутун европани эгаллаб олди ва тузалмас дардга айланди. Европаликлар бу иллатга шунчалик берилиб кетдики, бу йўлнинг охири ҳалокатдан бошқа нарса эмаслигини хаёлларига ҳам келтирмай қўйишди. Улар Лут алайҳи салом қавмининг залолатини қайта тирилтиришди,очиқ ойдин бир жинсли никохга (эркак ва эркак, аёл ва аёл, ҳатто ит ва бошқа жониворлар ўртасида никохни пайдо қилишди) ўта бошлашди. Энг ачинарлиси бир жинсли никохни 14 давлат қонунларига ҳам киритиб қўйишди. Улар “Хелловин” сингари “иблислар байрами”ни ўйлаб топишди, очиқ-сочиқ кийиниши, аёллар эркаклардек, эркакларни аёллардек юришлари, кийинишлари авж олди. Америкалик бир ёзувчи “Ғарбнинг ҳалокати” асарида Европани “Оммавий маданият” қанчалик хароб қилганлигини, энди улар учун орқага йўл йўқлигини, батамом таназзулга юз тутганлигини келтирган. Бир журналист “Европани бу иллатдан сақлаш, жамиятни асраш учун қандай йўл тутмоқ керак”-деб Рим католиклар черкови етакчиси Папага савол қилганида, жавоб эса кўпчиликни ҳайратига сабаб бўлди. Христианлар етакчиси Папа:
“Европани, жамиятимизни фақат соф эътиқод, ислом дини қутқара олади”-деган жавобни такидлади.
Бизнинг муқаддас динимиз инсон наслини покиза сақлаш, ҳаё-ибони, мехру-оқибатни, маънавиятни улуғлаш билан ҳар қандай разолатни қоралайди. “оммавий маданият” келиб чиқишига бош омил ҳаё-ибони орадан кўтарилиши биринчи сабабдир. Муқаддас динимизда, ҳадиси шарифда; “Ҳаё-иймондандир” дейилган. Юриш-турушлари эркаклардек аёлларни ва уларни аксини келтириб, ҳадиси шарифда “аёллардек кийинган эркакларга Аллоҳни лаънати бўлсин” дейилган. Энди ўз ўрнида европага тақлид қилиш юруш-туруш, кийинишни модда деб ёшларимизни бу иллатга ружу қўйишлари, ота-оналар тап тортмай ўзлари фарзандларига ажнабий очиқ-сочиқ кийим, тор шимларни раво кўраётганлари қанчалик оқибати оғирлигини ўйлаб ҳам кўришмаяпти. Ҳадиси шарифда Расулуллоҳ соллаллоҳу алайҳи ва саллам айтадилар: “Ким ўзини бирор қавмга ўхшатса, бас у ўша қавмдандир”.
Аллоҳ ўзи асрасин! Саломлашишни бузулиши, юруш-туруш, очиқ-сочиқ кийиниш, тор шимларни уялмасдан кийиш, сочларни турли хил белгилар, моддага айлантириш барча-барчасида Европага бўлган тақлид, уларни қавмидан бўлиб қолишга олибкелади. “Оилавий маданият”ни касридан ўзи жар ёқасига ҳалокатга махкум бўлган ажнабийларга эргашиш, уларни одатини қилиш, мусулмончилигимиз, миллийлигимизга мутлақо тўғри келмайди. Буларни барчаси ҳалокатга олиб борадиган йўлдир. Европа бу иллатдан холос бўлиш йўлини исломдан излаётган бир пайтда, биз мусулмонлар фарзандларимизни, уларга кўр кўрона эргашаётган ёшларимизни огохликка чақирамиз.
Яратганнинг ўзи иймонимизни мустахкам, миллийлигимизни ҳаётимиз мезони бўлишини насиб айласин!
Қизилтепа туман “Қизбиби”
жомеъ масжиди имоми: Ҳ.Жахонов
