Баҳор_таровати
Анҳорлардан тўлиб сувлар оқади,
Қизғалдоқлар аста имлаб боқади.
Дарахтлар гуллардан сирға тақади,
Хуш келибсан менинг гўзал баҳорим!

Табиат уйғонар, осмон мусаффо,
Деҳқон боболарнинг иши бошланар.
Она юртимнинг ҳар фасли бебаҳо,
Хуш келдинг баҳорим келгин марҳабо!

Булбул сайроғидан дилларда оташ,
Севган нигоҳларда сирли ҳар қараш.
Атрофда ҳукмрон қувноқ қўшиқ,сас.
Хуш келибсан менинг гўзал баҳорим,

Дилларга ўт ёққан нурли наҳорим!
Яшил майсаларнинг ифори бўлак,
Гўзал табиатдан завқланар юрак.
Барчага тилайман эзгу бир тилак,

Баҳордай яшнасин умр боғингиз,
Гулларга буркансин ҳар бир кунингиз!
Юртимга хуш келдинг гўзал баҳорим!
Дилларга ўт ёққан нурли наҳорим!
Ванғози мфй отинойиси О. Норова.