Ташрифинг муборак Наврузим.

Яна эшик қоқди фаришта мисол
Ифорин борлиққа сачганча баҳор
Кўзлари йўлингда интизор бўлиб
Қувончдан баралла куйлади анхор.

Яна қанот қоқди ўйноқ капалак
Уйқучан кўзларин пир-пиратганча
Бу кунлар борлиққа шодёна бўлди
Кимлардир соғинчдан йиғлади аста.

Шаббоданг шивирлвр қулоққа секнит
Муборак ташрифинг эртакларини
Бутун борлиқ сенга тазимлар этар
Эркалаб уйғотинг куртакларингни

Узун сочларига тол баргак тиқиб
Ўсмалар тортишар қизлар қошига
Ана шўх пойлоқи шунқор йигитлар
Хали не савдолар солар бошига

Наврўзим, ғам кетсин нимта диллардан
Термулдим васлингга маҳлиё бу кун
Сенингла келмади менинг баҳорим
Юрагим соғинчдан йиғлади бе ун

Чархпалакнинг отган палахмон тоши
Мен томон куйласа айтгин на чора
Бахорим қалбимнинг яраларини
Япроқларинг билан тузатсанг зора

Баҳорим бир нафас ором улашдинг
Кутишдан чарчаган сўлган дилларга
Бугун чалган куйинг сехр-жодуси
Боқийлик ушалсин айро гулларга.


ЎМИ Навоий вилояти вакиллигининг
хотин-қизлар масалалари бўйича ёрдамчиси: У. Холова