Номи улуғ устоз !

Чеҳралари нурли, гул юзлигим
Касби шараф, қадрли ой юзлигим
Қанча машаққати оғир бўлмасин
Номи улуғ устоз, сизни Ҳақ қўлласин !

Илм йўлида қилиб, жонин фидолар
Ер юзини ёритди, қанча даҳолар
Роббим сизни суяр, қалби дарёлар
Номи улуғ устоз, сизни Ҳақ қўлласин !

Кўрдим сизни баъзан қайғу ичида
Билдирмайин кулар, меҳр юзида
Жонин фидо қилиши чақнар кўзида
Номи улуғ устоз, сизни Ҳақ қўлласин !

Биз учун бўласиз, бағри тилим-тилим
Хатоларим англаганда, куяр дилим
Ҳамма сотганда ҳам, асраб менинг сирим
Номи улуғ устоз, сизни Ҳақ қўлласин !

Ағёрларим тўғри йўлдан адаштирди
Адашганда кулиб юзин буриштирди
Аллоҳ шунда сизни менга юзлаштирди
Номи улуғ устоз, сизни Ҳақ қўлласин !

Бугун сизни қалб тўрига жойлаяпман
Ҳофиз бўлиб, қўшиқларда куйлаяпман
Шоир бўлиб, шеърларимда сўйлаяпман
Номи улуғ устоз, сизни Ҳақ қўлласин !

Устозларим ҳаммангиз ҳам бирдек суюк
Биз қоқилсак дили ғамнок, қалби куюк
Касблар ичра энг шарафли, қадри буюк
Номи улуғ устоз, сизни Ҳақ қўлласин !

Қизилтепа туман Ҳафқориён маҳалла отинойиси Шоназарова Меҳригул.