САВОЛ: Тавоф асносида Қуръон қироат қилган афзалми ёки дуо-зикрларни айтишми?

ЖАВОБ: Бисмиллаҳир Роҳманир Роҳим. Мазҳабимиз уламолари зиёратчи учун тавоф асносида зикр ва дуолар билан машғул бўлиш Қуръон қироат қилишдан кўра афзал деганлар. Чунки бу жой дуолар ижобат бўладиган жой бўлгани учун банда ушбу қулай фурсатни ғанимат билиб, бу ерда Аллоҳ таолога ёлвориб, дуо ва илтижоларини, тавба ва истиғфорларини қилиб олиши афзалдир. Валлоҳу аълам.

Ўзбекистон мусулмонлари идораси
Фатво маркази.