CАВОЛ: Умрада тавоф қилиб бўлгандан кейин чарчаб қолдим. Меҳмонхонага қайтиб бориб, саъйни эртаси куни бажардим. Бу қилган ишим тўғрими? Тавоф билан саъйнинг ўртасини ажратишнинг зарари йўқми?

ЖАВОБ: Бисмиллаҳир Роҳманир Роҳим. Тавофдан кейин кетма-кет, орасига бошқа ишларни аралаштирмай саъй амалини бажариш суннат ҳисобланади. Орасини узрсиз ажратиш жиноят бўлмаса-да, суннатни тарк қилиш бўлади. Аммо қаттиқ чарчоқ туфайли одам бир оз дам олиши ёки бошқа зарур иш туфайли саъйни кейинроқ бажариши хато ҳисобланмайди. Бироқ умрани тўлиқ тугатиб, эҳромдан чиққунча соч-соқол ёки тирноқларни олиш ҳамда хушбўйланиш ва бошқа эҳромда тақиқланган ишларни қилишдан сақланиб туриши лозим. Валлоҳу аълам.

Ўзбекистон мусулмонлари идораси
Фатво маркази.