Савол: Савол: Ассалому алайкум. Мен савдогарман. Қимматроқ товар-маҳсулотимни узоқ муддатга яни ойма-ой узиш шарти билан қимматроқ нархга берсам бўладими? Олдиндан раҳмат.

Жавоб: Ва алайкум ассалом! Бўлади. Фақат савдо шартномаси битта яхлит бўлиши керак. М: мана шу нарсани нақдга 10 минга, 10 ой давомида бўлиб тўлаш-насияга эса ўн икки мингга сотаман, дейиш ва иккисидан бирига келишиб савдо қилиш дуруст. Лекин нарсани 10 мингга сотаману, насияга берганим учун ҳар ойига 200 дан қўшиб, ўн ой давомида 1200 дан тўлайсиз, дейиш нотўғри бўлади, рибо бўлади. Чунки бу савдода 200 ни муқобилида вақтдан бошқа нарса йўқ бўлмоқда. Вақт эса сотилмайди-вақт товар эмас.

Жавоб берди: ЎМИ фатво ҳайъати. Жавоб санаси: 13.02.2018 09:40