Бугун 5-апрел санасида ЎМИ Навоий вилоят вакиллигида имом-хатиблар иштирокида чоралик ҳисобот йиғилиши бўлиб ўтди. Унда имом-хатиблар томонидан 1-чорак мобайнида амалга оширилган ишлар муҳокама қилинди. Ушбу давр мобайнида фаоллик кўрсатиб, жамоат тадбирларида фаол иштирок этган, оммавий ахборот воситаларида ўз чиқишлари билан ислом маърифатини тарқатган имом-хатиблар рағбатлантирилди.

Шу билан бирга, йиғилишда бугунги кунда имом хатиблар олдида турган долзарб масалалар, келгусида амалга ошириш лозим бўлган ишлар муҳокама қилинди.

Тадбирга меҳмон сифатида ташриф буюрган Навоий вилоят ҳокими ўринбосари Ғ.Мусурманов имом-хатибларнинг жамиятда соғлом муҳитни яратиш борасида амалга ошираётган хайрли ишларини эътироф этди. Шу билан бирга, келгусида ҳам ушбу ҳамкорликни ривожлантиришнинг долзарб тамойилларини эслатиб ўтди.