Бугун 28-октябр санасида Навоий вилояти ҳокимлиги ва ЎМИ Навоий вилояти вакиллиги ташаббуси билан муҳташам “Ёшлар маркази”да “Глобаллашув жараёнида ижтимоий-маънавий муҳит барқарорлигини таъминлаш борасида диний соҳа ходимларининг вазифалари” мавзусида илмий-амалий семинар ташкил этилди. Илмий-амалий семинарга вилоят вакиллиги тасарруфидаги масжид имом хатиблари, диний ходимлар жалб этилди. Семинарга меҳмон сифатида ташриф буюрган “Имом Бухорий” номидаги ислом тадқиқотлари маркази ходимлари Ш.Зиёдов, Ш.Умаров, О.Юсуповлар ўз нутқлари билан иштирок этдилар.
Тадбир давомида маърузачилар “Ўзбекистонда давлат ва дин муносабатлари”, “Маърифий ислом мутаассибликни қоралайди”, “Ақидапараст оқимларнинг жиҳод, такфир, шаҳидлик, мазҳабсизлик ва халифалик каби масалалардаги соҳта даъволарига илмий раддиялар” мавзуларида тингловчилар учун қимматли маълумотларни етказишди.
Тадбир сўнгида семинар иштирокчилари ўзларини қизиқтирган саволлар билан мурожаат қилишди.