Жорий йилнинг 10-январ санасида Навоий шаҳар «Ёшлар маркази»да «Умумий ўрта таълим мактабларида маънавий маърифий тадбирлар ва ҳуқуқбузарликлар профилактикасини самарали ташкил этиш омиллари» мавзусида вилоят ўқув-семинари бўлиб ўтди. Ўқув-семинарига бир қанча ҳамкор ташкилотлар билан бир қаторда ЎМИ вакили ҳам таклиф этилди. Вилоят вакили Тоҳиржон Рўзиев сўзга чиқиб, «Исломда илм ва илм олиш фазилати» мавзусида нутқ сўзлади. У ўз нутқида, бугунги кунда илм сирларини эгаллайман деган ёшларга ҳукуматимиз томонидан мислсиз имкониятлар эшиги очилган эканлиги, анашу имкониятлардан оқилона фойдаланиш лозим эканлиги, муқаддас динимиз илм олишни ҳар бир ўғил қизга фарз қилганини таъкидлаб ўтди. Шу билан бирга илмли инсоннинг қандай даражага етиши, илмнинг фазилати ҳақида ҳаётий мисоллар, воқеалар асосида тингловчиларга тушунтириб берди.
