20-март 2023 йил. Маълумки мухтарам юртбошимиз Бухоро вилоятига ташриф чоғларида Умра сафарига ўз маблағи билан бора олмайдиган хотин- қизларимизни, адолатли тарзда халқимз ичидан сайлаб олиб, Умра сафарига юбориш таклифини берган эдилар. Бугун худди шу таклифга асосан вилоятимиздан юз нафар хотин-қизларимиз Умра сафари томан ҳозирландилар. Алишер Навоий жомий масжидида айнан шу гурухда кетувчи умрачиларимиз билан машғулот дарси ўтқазилди. Бунда вилоят бош имом хатиби Т. Рўзиев, дин ишлари бўйича қумитанинг вилоятдаги вакили Р. Шербўтаева, вилоят бош отинойиси У. Холовалар иштирок этдилар. Йиғилганларга Умра сафари одоблари, сафар давомида қандай тарзда ибодатларни бажариш тартиб қонун қоидалари, зиёратдан кўзланган мақсад, ибодатларни савоб даражалари, сафарl давомидаги манзиллар ва муборак маконларда бажариладиган амаллар, Умра сафаридан қайтгандан сўнг мусулмон кишига хос бўлган амалларда бардавом бўллган ҳолда, махалла ва жамоат ишларида, тўй марака маросимларни исрофгарчиликсиз ўтқазиш, ёшлар тарбиясида масъул бўлиб, маҳаллада ибрат бўлишлари тўғрисидаги тушунчаларни бериб ўтдилар. Бўлажак ҳожиларимиз қўшимча равишда ўзларини қизиқтирган хотин - қизларга хос бўлган саволларни беришиб, ўзларига керакли бўлган жавобларни олдилар. Тадбир сўнггида бўлажак ҳожиларимиз ана шундай савоби буюк амаллар ташаббуси билан чиққан муҳтарам Юртбошимизни, Ўзбекистон мусулмонлар идораси, вилоят ҳокимлиги, дин ишлари бўйича қумитанинг вилоятдаги вакиллари ҳамда раҳбарият азоларига ўзларининг самимий миннатдорчиликларини билдирдилар ва кўпдан- кўп дуолар қилиб қолдилар.
Қизилтепа тумани "Ғойибон" махалласида Наврўз байрами тадбири ўтказилди ва миллий таомлар билан биргаликда куй қўшиқлар куйланди.Ғойибон махалласи отинойи ШОИРА САФАРОВА.
Навоий шахар Ўзбекистон ва Ёшлик МФЙ отинойиси Н.Ш.Касимова. Ёшлик МФЙда ,,Ибратли қайнона ва келин" кўрик танловининг шахар босқичи бўлиб ўтди.Унда Гулистон, Ватан, Янги обод, Зиёкор ва Ёшлик МФЙлардан қайнона ва келинлар иштирок этдилар. МФЙлар орасида Гулистон МФЙ биринчи ўринни қўлга киритиб Вилоят кўрик танловига йўлланма олдилар. Қайноналар ва келинлар ўз махоратларини ишга солиб қўлдан келганча ғайрат қилдилар. Барча қайнона келинлар яхши иштирок этдилар танлов жуда қизиқарли ўтди.Танлов сўнгида Иштирокчиларга ташаккурномалар ва совғалар берилди.
18 март - умумхалқ хайрия ҳашари кунида " Ғозғон" шаҳридаги Шоҳимардон масжидини ҳашарида отинойилар фаол иштирок этдилар.
Бугун 18.03.23. куни Зарафшон шахар 12- мкр худуди 20- уй ахолиси хашар килиб уй атрофларини тозалаб,кучатлар экишди.Бу умумхалк хашарида махалла отинойиси Давронова Ойжамол хам иштирок этди.
Жорий йилнинг 18-март куни Кармана тумани маданият саройи ёнида "Ҳар кунинг наврўз бўлсин жонажон Ўзбекистоним" шиори остида катта байрам сайли бўлди.
Қозонларда сумалак, ҳалим, ошлар пиширилиб, келган меҳмонларга тортилди.
Санъаткорларнинг куй ва қўшиқлари, ҳунармандларнинг турли хил кўргазмалари, миллий ўйин ва томошалар қатнашчиларга янада завқ бағишлади.
Наврўз байрами ва Рамазон ойи кириб келиши муносабати билан Қосим шайх масжидида ва жойларда Кармана тумани отинойилари томонидан ҳашар уюштирилди.
ЎМИ Навоий вилоят вакиллиги
