Ўзбекистон мусулмонлар идорасининг 01/А 019-сонли буйруғига асосан жамиятда ижтимоий-маънавий муҳитни соғломлаштириш, маҳаллаларда фаолият юритаётган расмий отинойиларнинг диний-маърифий билим саъвияларини oшириш, маҳаллаларда бидъат-хурофотларни олдини олиш, касбий маҳоратларини юксалтириш мақсадида отинойилар иштирокида: "Суннатга амал қилиш ва бидъатнинг зарарлари" мавзусида маънавий-маърифий дарс машғулоти ташкил қилинди. Мазкур мавзулар юзасидан Навбаҳор тумани бош имом хатиби Ф. М. Тошев ва "Хонхўжа" жомъе масжиди имом хатиби Ш. Комиловлар маъруза қилдилар. Аллоҳ таоло Ислом динини мукаммал қилиб берганлиги унга қўшимча бирор амални киритиб бўлмаслиги бидатчиларнинг хатарли амал қилишлари ҳамда шу амалларини тарғиб қилишлари мусулмонларга залолат эшигини очиб бериши ҳақида маъруза қилдилар.
Навбаҳор тумани бош имом хатибининг хотин қизлар масалалари бўйича ёрдамчиси: С. Хушматова.


Бугун 13.12.2022 йил .Навоий шаҳар Алишер Навоий жомеъ масжидида Навоий шаҳар отинойилари учун навбатдаги "Маърифат" дарси бўлди. Навоий шаҳар имом хатиби Д.Эргашев домла "Қуръон" тажвид камчиликлари, ақоид ва фиқҳ фанларидан тушунчалар бердилар.Дарс отинойиларимизни қизиқтирган савол ва жавоблар асосида тугалланди.


Зарафшон шаҳар "Янги Зарафшон" МФЙ "Абай 2" 7- кўча 26-хонадонда истиқомат қилувчи  Қанбаева Элмера аёллар дафтарида туради ,турмуш ўртоғи касаллиги туфайли оғир ишга ярамайди, фарзанди ва ўзи ишсиз, фарзанди "электрпайвандчи" ликка хужжати бор, лекин бу касбда ишлашни хоҳламайди. Афсус ўғиллари билан учрашишни иложи бўлмади. Э.Қанбоевага шукур қилиш, сабр-қаноатли бўлиш ва дуода бўлишликни махалла отинойиси М.Мелиева, махалла хотин-қизлар фаоли Б. Файзуллаевалар уқдиришди.

Жорий йилнинг 13 декабрь санасида Учқудуқ туман " А Навоий " мфй аёллари орасида хурмат-иззат, аёллар орасида рўй берадиган турли бидъат хурофотларни олдини олиш, шукроналик хиссини орттириш тўгрисида сухбатлашилди.
Учқудуқ туман бош отинойиси О Тўрақулова

ЎМИ Навоий вилоят вакиллиги