Куни кеча ЎМИ Навоий шаҳар А.Навоий жоме масжидида Навоий шаҳар отинойиларига устозлар томонидан дарс бўлиб ўтди. Дарс жараёнида отинойиларимиз фиқҳ ва ақоид илмидан етарлича билим олиб, илмий савияларини янада ошириб олдилар. Бу эса халқ орасида юрганларида аҳоли томонидан бериладиган саволларга тўлиқ ва аниқ жавоб бериш имконини беради. Ҳозирги кунда кўплаб бидъат ва хурофотларни олдини олишга ҳам сабаб бўлади. Отинойиларимиз дарс жараёнларидан жуда ҳам мамнун эканликларини, ҳар дарсда ўзлари иккиланиб юрган ёки билмаган нарсалари ҳақида кўпроқ билиб олаётганликларини ҳамда келаси дарсни катта ҳаяжон билан кутишларини айтадилар. Эслатиб ўтамиз, бу каби илмий - малакавий дарслар ойда бир неча марта бўлиб ўтади.