Навоий шаҳар "Юқумли касалликлар шифохонаси"да "Ижтимоий-маънавий муҳитни барқарорлаштириш ва диний маданиятни ошириш" мавзусида тадбир бўлиб ўтди. Вилоят бош отинойиси У.Холова сўзга чиқиб, аҳоли ўртасида диний саводхонликни ошириш мақсадида ўтказилаётган тадбирлар, тарғибот ташвиқот ишларининг аҳамияти борасида сўзлади. Ижтимоий муҳитнинг барқарорлиги аҳолининг саволдхонлик даражаси, маънавияти юқори бўлгандагина таъминланишини айтиб ўтди.
ЎМИ Навоий вилоят вакиллиги Навоий шаҳар отинойилари ҳамда Навбаҳор тумани отинойилари, имом хатиби, туман ҳокимлиги билан ҳамкорликда Навбаҳор тумани чекка ҳудудларида Маҳаллалар билан "Исрофгарчиликни олдини олиш", "Бидъат хурофотларга чек қўйиш", аёллар ўртасида бўлаётган "момооши", "мушкулкушод",каби маросимларга чек қўйиш мақсадида учрашув бўлиб ўтмоқда. Шаҳар отинойиларидан С.Арзиқулова ҳамда Г.Усмоновалар, Навоий вилоят вакиллиги ходимаси Ш.Раджабова, туман бош отинойиси Ж.Қиличова, туман имом хатиби Ф.Тошевлар тадбирда аҳолига, айниқса аёлларга тушунтириш ишлари олиб бормоқдалар. Навбаҳор туманининг "Наврўз", " Ижанд", "Меҳнат" МФЙларида тадбирлар ўтказилди. Аҳоли билан суҳбалар бошқа чекка ҳудудларида давом этиши режалаштирилган.
Хатирчи туман бош отинойиси С.Раимова "Аёллар ўртасида жиноятчиликни олдини олиш" мавзусида "Чангир" МФЙда маъруза қилди.
Зарафшон шаҳар 12-сонли мактабда ўқувчи қизлар билан "Кийиниш маданияти" тўғрисида давра суҳбати ўтказилди. Тадбирда шаҳар бош отинойиси Л.Мутахарова маъруза қилди. Тадбирда иштирок этган ўқучи қизлар ўз ташаккурлаини билдириб, тадбирни якунлашди. 
