Навоий шаҳар 2 академик лицейида "Қизларда ибо ҳаё" мавзуларида шаҳар отинойилари қизлар билан савол жавоб тарзида давра суҳбат ўтказди. Навоий шаҳар мутахассислар малакасини ошириш марказида шаҳар бош отинойиси Ч.Бурхонова "Аёллар ўртасида диний маърифатни янада кучайтириш" тўғрисида маъруза қилди. Шаҳар Наркология марказида "Бидъат хурофотларга чек қўйиш" мавзусида давра суҳбати ташкил этилди. "Ҳумо" МФЙ отинойиси Д.Қосимова аҳоли орасига кириб қолган ирим сиримлар, ҳар хил бидъатларга чек қўйиш, динимизда иримга ўрин йўқлиги тўғрисида нутқ сўзлади. "Баҳор" МФЙ биносида ажримга келиб қолган оилага маҳалла отинойиси Д.Тошова томонидан маъруза қилиниб, оилавий ажрим олди олинди. "Бунёдкор" МФЙ биносида ҳам маҳалла отинойиси С.Арзиқулова томонидан ажримга келган оила яраштиришга эришилди. Қизилтепа туманида нуроний онахонлар ҳолидан хабар олиниди, маҳаллада нотинч бўлган оилалар билан суҳбат ўтказилди. 
