"Вақф" хайрия жамоат фондининг Сирдарё вилояти филиали тамонидан ҳомийларни жалб қилган ҳолда Фонднинг вилоят филиалига мурожаат қилган кишиларнинг 15 нафарига 1,2 миллион сўмлик озиқ-овқат маҳсулотлари тарқатилди.


Шунингдек, Фонднинг Навоий вилоят филиали масъул ходимлари томонидан вилоятдаги муҳтож оилаларнинг 15 тасига 600 минг сўмлик озиқ-овқат маҳсулотлари улашилди.


Тадбирда хайрли ишларни бажаришда Фондга кўмакчи бўлаётган саҳоватли инсонлар ҳаққига дуолар қилинди.


Аллоҳ таоло Ўзининг Каломида "Садақани ошкора қилсангиз қандоқ ҳам яхши. Агар махфий қилсангиз ва фақирларга берсангиз, бу сиз учун яхшидир. Сиздан гуноҳларингизни ювади. Ва Аллоҳ қилаётган амалларингиздан хабардордир", дея марҳамат қилади (Бақара сураси, 271-оят). Шундай экан Аллоҳ таолонинг амрига бўйсуниб, эҳсонпарварлик хусусиятимизни янада ривожлантиришимиз зарур.


"Вақф" хайрия жамоат фонди Матбуот хизмати