Жорий йилнинг 3 июнь куни Ўзбекистон мусулмонлари идораси Навоий вилояти вакиллигида туман шаҳар бош имом хатиблари, отинойилари иштирокида Рамазон ойида амалга оширилган ишлар, Рамазон ҳайитини кўтаринки руҳда муносиб ўтказишга бағишланган йиғилиш бўлиб ўтди. Йиғилишни вилоят бош имом хатиби Т.Рўзиев очиб бериб, Рамазон ойида ЎМИ Навоий вилоят вакиллиги, "ВАҚФ" хайрия жамоат фонди, вилоятдаги имом хатиб ва отинойилар томонидан амалга оширилган ишлар, кўрсатилган моддий ёрдам тўғрисида айтиб ўтди.
Вилоят ҳокими ўринбосари Ғ.Мусурманов Рамазон ҳайитини кўтаринки руҳда муносиб ўтказиш бўйича керакли тавсияларни берди.
Йиғилиш сўнгида вилоят бош имом хатибининг хотин қизлар масалари бўйича ёрдамчиси У.Холова диний соҳа ходимлари учун яратиб берилаётган шарт-шароитлар учун ўз ташаккурини билдирди.
