Хатирчи туманидаги 65-ўрта мактабда умумий ота-оналар йиғилишида "Фарзанд тарбиясида ота-оналарнинг ўрни, ёшлар ўртасида жиноятчилик ва ўз жонига қасд қилиш каби иллатларни олдини олиш" мавзуларида маъруза қилинди. Туман бош имом хатиби Б.Ҳакимов фарзандлар тарбиясида ота-онанинг аҳамияти, ота-онанинг фарзанди олдидаги бурчлари, ёшлар ўртасида жиноятчилик ва ўз жонига қасд қилишлар сони ортиб бораётганлиги, ўсиб келаётган ёшларга бефарқ бўлмаслик, уларнинг бўш вақтларини фойдали тақсимлаш, фарзандидаги бўлаётган ҳар бир ўзгаришга ота-она эътиборли бўлиши лозимлигини таъкидлади. Муқаддас динимиз Ислом динида ота-она фарзандининг барча яхши ҳислатлари учун савоб олиши, ёмон иллатлари учун жавобгар бўлишини ҳадисдан намуналар келтириб айтиб ўтди.