Навоий давлат педагогика институтида "Биз соғлом ҳаёт тарзи тарафдоримиз" мавзусида тадбир бўлиб ўтди. Тадбирда вилоят имом хатиб ўринбосари Д.Эргашев илм олиш тўғрисида, ҳалоллик ҳақида маъруза қилди. Тадбирда 80 нафардан ортиқ талабалар иштирок этишди. Навоий давлат кончилик институтида ҳам, "Биз соғлом ҳаёт тарзи тарафдоримиз" мавзусида тадбир ташкил этилди. Тадбирда вилоят бош имом хатиби Т.Рўзиев сўзга чиқиб, ёшларнинг турли ёмон йўлларга (гиёҳвандлик, ичкиликбозлик) киришларини олдини олиш, фойдали илм олиш, соғлом турмуш тарзини шакллантириш учун ҳар бир дақиқадан унумли фойдаланиб спорт билан шуғулланиш, ҳар бир луқманинг ҳалоллигига алоҳида эътибор қаратиш йўллари орқали эришилишини айтиб ўтди. Қуръони Карим ва ҳадисдан келтирилган намуналарни тадбирда иштирок этган 100дан ортиқ талабалар тинглашди. 
