Навбаҳор тумани 23-умумий ўрта таълим мактабида "Пахтакор" мфй аёллари билан суҳбат ташкил этилди. Ахтам Сахоба масжиди имом хатиби А.Назаров "Бидъат-хурофотлардан сақланиш", "Фарзанд тарбиясида аёлнинг ўрни" мавзуларида маъруза қилди. Суҳбат савол-жавоб тарзида ташкил этилиб, аёллар ўзларини қизиқтирган саволларга жавоб олишди. Навбахор тумани 36-мактабида ўқувчилар билан суҳбат ташкил жэтилди. Хон Хўжа Эшон Бобо жомеъ масжиди имом хатиби Қ.Ибрагимов ўқувчиларга "Илмнинг фазилати", "Исроф -гуноҳ" , "Устоз ва ота- онани эҳтиром қилиш" мавзуларида маъруза қилди. Илм олиш орқали қанчалар савобга эга бўлиш тўғрисида, илм олиш учун босилган ҳар бир қадамлар учун савоб ёзилиши тўғрисида Қуръони Карим ва ҳадиси шарифдан мисоллар келтирди. Ота-онага ҳурмат, устозларга ҳурмат борасида алоҳида тўхталиб ўтилди.
