Бугун Ўзбекистон Мусулмонлар идорасидаги "Мовароуннаҳр" нашриёти масъул ходимлари Навоий вилоятида бўлишди. Навоий Давлат педагогика институтининг фаоллар залида ўтказилган тақдирлаш маросимида вилоятдаги бир қанча илғор имом-хатиблар ўзларининг мақолалари, обуналарда фаол иштироклари билан жонбозлик кўрсатган бир гуруҳ имом-хатиблар турли хил эсдалик совғалари ва "Ташаккурнома" билан тақдирландилар. Тадбирга "Мовароуннаҳр" нашриёти раҳбари Ходжамов Абдужалил, унинг ўринбосари Алимов Исомиддин ва махсус муҳбир Ўрозов Абдувоҳид ташриф буюрдилар.
