Жонажон юртимизнинг Истиқлолдек неьматга мушарраф бўлиши халқимизга ўзликни англаш, миллий қадриятларни тиклаш билан бирга Муқаддас динимизга эмин-эркин амал қилиш имконини берди.
20 ноябрь куни Навоий вилояти Томди туманида «Томди мечет» масжидининг очилиш маросими бўлиб ўтди. Қишлоқ аҳолиси учун бу катта байрам бўлди. Масжидни барча талабларга жавоб берадиган янги қиёфага келтиришда туман аҳолиси, тадбиркорлар ва Зарафшон шаҳар тадбиркорлари хизмат қилишди.Масжиднинг очилиш маросимида нафақат туман аҳолиси, балки қўшни вилоят ва туманлардан меҳмонлар келди. Масжиднинг очилиш маросимига Вилоят ҳокимининг жамоат ва диний ташкилотлар билан алоқалар бўйича ўринбосари Ғофур Эшпулатович Мусурманов, вилоят бош имоми Тоҳир Рўзиев, Зарафшон шаҳар ва Учкудук туман имоми ҳатиблари Томди туман ҳокими Қ.Алдабергенов,туман Овул фуқоралар йиғини раислари ва Овул оқсоқоллари, туман аҳолиси қатнашди.