“Зарафшон” жоме масжиди Навоий вилояти Зарафшон шаҳрида жойлашган бўлиб, 1998 йилда асос солинган ва 2001 йилда Навоий вилояти адлия бошқармасида рўйхатга олинган. Масжид асосий намозгоҳ, маъмурий бино, қоровулхона ва боғ-ердан иборат. Масжиднинг асосий намозгоҳ ички биносида бир вақтнинг ўзида 300 киши намоз ўқиши ва айвонида ҳам 300 га яқин одам намоз ўқиш имкониятига эга. Масжид маъмурий биносининг ярими таҳорат хона ва қолган ярмида имом-хатиб, ноиб ва ҳисобчи хоналари, кутубхона ва меҳмонхоналар жойлашган. Масжид ҳудуди металл панжаралар билан ўралган. Масжиднинг кириш дарвозаси икки томонида фаввора ишлаб турибди. Масжиднинг экин экиладиган майдонининг 80 фоизи турли мевали дарахтлар ва қолган қисми эса арча ва гуллар билан қопланган. Ибодатлар Имоми Аъзам- ханафий мазҳабида амалга оширилади. Майдони 1,5 га.
