“Хўжа Машфират Набий” жоме масжиди Қизилтепа туманидаги “Оқ олтин” ҚФЙдаги Хожа Ажбандий қишлоғида жойлашган. Масжид ёнида Хожа Ажбандий зиёратгоҳи жойлашган. Масжид Навоий вилоят адлия бошқармаси томонидан 15.03.2001 йил №76 сон билан рўйхатдан ўтган. Бу жой “Мақомоти Шоҳи Нақшбанд” китобида Ҳазрат Баҳоуддин тилларидан келтирилган нақлда Хожа Аҳмад Ажфарнуй мозори деб аталади. Баҳоуддин Нақшбанд бу ерга бир неча бор зиёратга келганлар.
Бугунги Хожа Ажбандий мозори аслида Хожа Аҳмад Ажфарнуй мозори бўлган. Халқ оғзаки нутқи таъсирида Ажфарнуй Ажбандийга ўзгарган. Шу жиҳатдан валиюллоҳ Хожа Аҳмадни ажинабандлик билан шуғилланганлар деган халқ оғзидаги ривоятда унчалик асос йўққа ўхшайди.