Саидато масжидининг номи масжид ёнидаги сағана “Саидлар сағанаси” ва гузари бўлганлиги боис “Саидато” деб номланган. Саидато масжиди XIV – асрда қурилган. Масжид биноси ўтган асрнинг бошларида маҳаллий тадбиркор Эшон Судур Турсунхўжа томонидан 1905-1910 йилларда масжиднинг эски жойи ўрнига қурилган. Масжид тўрт ёғоч устумли бўлиб, устумларда Қуръони Каримнинг “Фатҳ” сураси тўлиқ ўйиб ёзилган. Масжид шўролар даври фаолияти тўхтатилган. Кейинчалик масжид биноси кутубхона сифатида фаолият кўрсатган. Мустақиллик йилларида масжид мўмин мусулмонлар ихтиёрига берилди.