Баргсўз масжиди ҳам ўтган асрнинг бошларида масжид-нинг нураб қолган биноси ўрнига маҳаллий халқ ҳомийлиги ва ҳашар йўли бир устунли қилиб қурилган. Кейинроқ гузарнинг тадбиркор бойлари томонидан тўрт устунли қилиб 9,5 Х 9,5 ўлчамида қайтадан қурилган. Бу масжид ҳам фаолиятини шўролар даврида тўхтатган. Мустақиллик йилларида масжид яна фаолият кўрсата бошлади.