Навоий шаҳрида жойлашган “Оқтош” жоме масжиди 1988-1989 йиллар мобайнида маҳаллий инсонлар томонидан хашар йўли билан барпо этилган. Мустақиллигимизнинг шарофати билан масжид қайтадан қад ростлаб, гўзал кўринишга келтирилди. Республикамиз масжид ва мадрасалари қаторида Ўзбекистон Республикаси Адлия бошқармасидан 15.08.1998й №02 буйруғига биноан қонуний фаолият юритиб келмоқда. Масжид ўз бағрига юзлаб номозхонни сиғдира олади. Ҳайит намозларида 400-500 киши, жумъа намозларида эса 80-100 киши ўз ибодатларини адо этишади. Ҳозирги вақтда масжидда номозхонлар учун замонавий шарт шароитлар мавжуд.