Навбаҳор туман "Арабхона катта" жомеъ масжиди имом ноиби
Ҳазрат Исмоил.

ФОЛГА ИШОНМАНГ.

Десаким: " мен ғайбни билгум, у менга маълумдир "
Билингизким ул нобакору, фолбину, малъундир.

Гарчи: " хўп рост айтурман " деб, ҳақиқат қилса даъво.
Нақд эрурким, бул дардига дўзахда заққум даво.

Фолбин ким бўлибдурким, ғайб илмини қилса даъво.
Росулига бермасмиди Ҳақ буни кўрса раво.

На бирор ҳожат эрдиму қози-ю, маҳкамалар.
Жиноятни очсалар фол кўриб мастоналар.

Ул ким фолбинлар дунё деб, имонин сотган гадо.
Гарчи тасдиқ айласангиз сизни ҳам қилгай адо.

Бормангиз фолбингаким, истамангиз ундин даво,
Икки дунё саодатдин бўлмангизлар мосуво.

Ҳазратим Ҳақдан сўранг, мушкулингиз айлар раво.
Бу башорат сизлар учун жаннатдан эсган сабо.

https://t.me/beshrabotuz