ЗАНЖИРБАНД БЎЛСА ҲАМ ЭЪТИҚОДИДАН ҚАЙТМАГАН УСМОН

Муҳаммад алайҳиссаломдан кейинги учинчи халифа ва яна пайғамбар алайҳиссаломнинг бир эмас - икки қизларига уйланганлиги боисидан зиннурайн деб ном олган ҳазрати Усмон ҳақида ҳам бир қанча ибратли хикоятлар мавжуд. Айтишларича, у ислом динини қабул қилганида баджаҳл амакилари Ҳаким ибни Ос: "Ҳали сен ота-боболарингнинг динидан қайтиб, аллақандай динни қабул қилдингми?" - деб Усмонни тутиб келиб, уйида занжирлаб қўйган ва: "Қасамлар бўлсинки, сен ота-бо- боларингнинг динига қайтиб кирмасанг, кишандан хеч қачон бўшатмайман", деб дағдаға, дўқ қилган эди.

Аммо Усмон бу дўқлардан қўрқмасдан: "Оллоҳ номига қасам ичиб айтаманки, ҳеч қачон исломдан қайтмайман", - деб жавоб қилган эди, амакисига тик караб. Амакиси Усмоннинг қарори қатъий эканлигини кўриб, уни ўз ҳолига қўйиб, занжирдан бўшатиб юборишга мажбур бўлган эди. Шундан сўнг Усмон исломнинг асл жонкуярларидан бирига айланган ва вақти келиб халифалик даражасига етган эди.
Ҳа, ҳақиқий эътиқод инсонни шундай юксакликка кўтаради.

Манба асосида ёзилди.

Навоий шаҳар Умид қўрғони Хончорбоғ мфй отинойси Қулбобоева Мавлуда.